كتبت الصحفية سمر أبو العوف على حسابها الرسمي على موقع فيسبوك، أبرز العبارات التي ترددت على لسان ضحايا الإبادة في غزة:

عام على الحرب 7 اكتوبر

[روح الروح هذي .. روح الروح]

[ابـني سـاح]

[اسمه يوسف، 7 سنين، شعره كيرلي، وأبيضاني، وحلو ... بدي يوسف يابابا]

[كان يصرخ عليّ يا كمال يا كمال!

كان عايش واللّٰـه.. بدي أبوسه]

[الولاد وين؟ الولاد ماتوا بدون ماياكلوا يشهد عليا اللّٰـه]

[قوم ارضع حبيبي.. قوم]

[بدي شعرة منه.. شعرة واحدة بس قبل ما تدفنوه]

[كنت نايم!]

[يا عمـــااار.. حاسس فيني؟ مش راح أمشي قبل ما تطلع من تحت الر.دم بستنى ليوم ليومين لسنة لحتى تطلع]

[واللّٰـه بنتي عروسة ارتقت، عرسها كان الجمعة الـ فاتت واللّٰـه ما رجعنا فستان العرس لصاحبه]!

[واللّٰـه عروسة حامل شهرين]

[هاى امى عرفتها من شعرها]

[السبعة مع أمهم.. السبعة مع أمهم]

[ثانية بس ثانية واحدة سبت إيدي ليش.. ياريتني مـ. ـت معك.. سبتيني لمين!]

[ياعالم جيبولي بنتي]

[يا جماعة زوجي رااح.. راااح أبوكي]!

[أربعين سنة بشتغل عشان أبني الدار.. راحت الدار]

[السـته بكـف الايـد]

[كنت ناوي أعملها عيد ميلاد..]

[ياريتني أنا أروح عند أبوي كمان]

[ماتعيطش يازلمة.. متعيطشش]

[ماتخافش يابا أنا كويس يابا..]

[قلبي انقطع عليكي يا أختي.. العـ ـرب وينهم، المسـ ـلمين وينهم؟]

[بيكفي يا عالم بيكفي]

[حطي قلبك على قلبي يمّا.. حس فيكي يمّا]

[واللّٰـه ما احنا منهزين]

[هذه مرح بتحب الرسم كانت، وهذه بيسان الدكتورة..]

[رايح أدفن أبويا بسيارتي..]

[يا عمو ودِّيني على ماما.. بدي ماما]

[إيش عملتلهم هالبنت الصغيرة؟ عشرين سنة نفسه يخلف.. قعدت شهرين وراحت!]

[عمر أحكي بسم اللّٰـه، حبيبي سامعني قول ورايا أشهد أن لا إله إلا اللّٰـه.. علّي صوتك حبيبي]

[أخواتي أخواتي .. ما فيني شي بدي أخواتي]

[بتنتقموا منا بالاولاد …..معلش]

[دارنا راحت وين بدنا نقعد؟!]

[ما ضلش مكان نشـ ـرد.. وين بدنا نشـ ـرد؟ ماضلش مكان نسكن فيه]

وين نروح !؟؟